Monday, March 18, 2013

Suddenly it's magic - review


Sabi ko noon sa post ko... gusto ko itong panoorin sa big screen at ang unang dahilan ay si Mario Maurer. Pero dahil may nabasa akong review ng film na ito... medyo nadismaya ako kaya ibang film ang pinanood namin sa sinehan.

Usual, pinahiram ako ng kapatid ko ng dvd at nagkaroon ako ng chance para ito panoorin. So, ano bang masasabi ko sa pelikulang ito?

Umikot ang kuwento sa isang Thai super star na si Marcus Hanson (Mario Maurer) at sa isang tagagawa ng magagandang wedding cake na si Joey Hermosa (Erich Gonzales). Pareho lang ang kanilang pinagdaanan, nalaman ni Marcus na may iba nang mahal ang on-screen partner at real-life girlfriend niya na si Sririta Taylor (Baifern Pimchanok) habang si Joey naman ay hindi sinipot sa kanyang wedding day.



Nagkita silang dalawa nang maisipan ni Marcus na magbakasyon sa Pilipinas para matakasan ang media sa Thailand at naging destinasyon niya ang Ilocos kung saan doon niya nakilala si Joey. Sa loob ng maikling panahon ay nagkaroon sila ng feelings sa isa't isa at naging sila.

Sa pagbabalik ni Marcus sa Thailand inanyayahan niya si Joey na sumama sa kanya. Sa una nag-alangan si Joey pero sumunod din siya. Hindi matanggap ng mga fans at ng nanay ni Marcus ang kanilang relasyon hanggang sa nagpasya si Joey na bumalik na lang sa Pilipinas at hayaan si Marcus na tuparin ang kanyang mga pangarap lalo na ang makapasok sa Hollywood.



Maganda ang simula, nakaka-intriga at may halong kilig lalo na ng pumasok sa eksena si Mario Maurer at halikan si Baifern. Naging maganda rin ang mga unang eksena ni Mario at Erich ngunit naging mabilis ang mga pangyayari dahil naging sila agad sa maikling panahon. Hindi masyadong realistic at parang masyadong co-incident ang mga pangyayari.

Sa isang banda, naipakita ang kagandahan ng Hilagang bahagi ng Pilipinas gayundin ang ilang mga magandang lugar sa Thailand maging ang kultura ng dalawang bansa ay litaw din sa mga eksena.

Nakakatuwa na maraming eksena si Baifern na inakala ko sa mga unang trailer na extra lamang siya pero siya pala ang ex-gf ni Mario doon. Hindi ko naman masyadong like si Erich pero maganda naman ang pagkakaganap niya sa katauhan ni Joey.

Masasabi kong okay naman pala ang buong pelikula...masyado lang siguro akong nadala ng nabasang kong review to the point na hindi ko na binalak pang panoorin ito sa sinehan. Sa kabuuan, nagustuhan ko  ito pero medyo eksaherada ang mga kissing part nila Mario at Erich. Para kasi sa akin maganda 'yung kikiligin ang manonood kahit walang kiss pero siguro mas lamang ang may gusto ng ganoon.

http://reynthology.blogspot.com/2012/09/suddenly-its-magic-behind-scene-photos.html
Ito ay sa direksyon ni Rory Quintos at isinulat nina Enrico Santos at Vanessa Valdez. It was distributed by Star Cinema. October 31, 2012 pa ito naipalabas dito sa atin. (*^_^)

Tuesday, February 12, 2013

Action film on my list

Mahilig talaga ako sa mga maaaksyong pelikula. Medyo matagal rin namang nanahimik ang mga ganitong pelikula nang magsi-edad ang mga batikang action star tulad ni Arnold Schwarzenneger, Sylvester Stallone, Jean Claude Van Damme at marami pang iba.

Pero parang medyo nagbabalik sila ngayon kaya naman super gawa ako ng list ng mga hindi dapat palampasing pelikula ng mga ito.

1. Chinese Zodiac ni Jackie Chan...well, I already watched it with my friends...my review to follow...hehe.

2. A Good Day to Die Hard ni Bruce Willis... panglima ito sa Die Hard film series... excited ako sa dalang action nito.

3. Bullet to the Head ni Sylvester Stallone... kasama niya dito si Sung Kang na isa sa paborito sa fast and furious film series.

4. Fast and furious 6 ni Vin Diesel... wala pa akong napapalagpas sa film na ito, kaya itong pang-anim hindi dapat palagpasin.

5. The Last Stand ni Arnold Schwarzenegger... ano pa bang dapat asahan sa mga film na siya ang bida... napanood ko na rin ito pero medyo may kakaibang dating na hindi ko maipaliwanag. Igagawa ko na lang ng review sa susunod na pagkakataon.

Sa ngayon ito ang mga gusto kong mapanood... dalawa na ang napanood ko dito may tatlo pa at ang paborito kong Fast and Furious eh medyo matatagalan pa para mapanood dahil sa May pa ire-release.

I'm crossing my fingers para mapanood ko lahat. haha. (*^_^) 

Photo credits: http://en.wikipedia.org

Friday, January 11, 2013

Time out for In Time


 
"Time is gold."

Kasabihan na madalas isagot sa tanong na 'Anong motto mo?' Pero kung minsan hindi naman natin pinahahalagahan ang ibig sabihin nito. Siguro mag-iiba ang pagtingin n'yo sa kasabihang ito kung mapapanood ninyo ang pelikulang In Time.


Umikot ang pelikulang ito sa buhay ni Will Salas (Justin Timberlake) kung saan ang mga tao ay bumibili ng oras para mabuhay. Nasa future ang setting, year 2169. Panahon kung saan humihinto ang pagtanda ng mga tao kapag sila ay umedad ng 25 at nagsisimulang umandar ang kanilang oras na makikita sa kanilang braso. Kapag umabot sa zero ang kanilang oras sila ay mamamatay. 


Si Will Salas kasama ang kanyang ina na si Rachel Salas (Olivia Wilde) ay nagtratrabaho para madagdagan ang kanilang oras. Ito rin kasi ang pambayad sa pagsakay ng bus, pagbili ng pagkain at marami pang iba. Sa madaling salita ang oras sa kanilang braso ang nagsisilbi nilang pera. Sa Dayton sila nakatira kung saan ang mga tao ay nagtratrabaho para mabuhay pa sa susunod na araw. Samantala sa New Greenwich, lugar kung saan doon nakatira ang mga mayayaman sa oras ay nagkakaroon ng pagkakatong mabuhay ng mas matagal.


Nagbago ang takbo ng buhay ni Will nang makilala niya si Henry Hamilton (Matt Bomer) na mula sa New Greenwich at nakikihalubilo sa isang bar sa Dayton. Tinulungan niya itong makatakas sa mga nais kumuha ng kanyang oras pero sinabi nito na gusto na niyang mamatay. 

Sinagot naman ito ni Will na kung siya lang ay may ganoon karaming oras hindi n'ya ito aaksayahin pero wala siyang balak na nakawin ang oras ni Henry. Habang siya ay natutulog inilipat ni Henry ang kanyang 116 years at nagtira lamang ng limang minuto para makarating sa tulay at doon ay nagsuicide. Nag-iwan ito ng mensahe na ‘don’t waste my time.’

Sasagipin sana ito ni  Will ngunit nahulog na ito bago pa man niya marating ang tulay. Kinagabihan ay magkikita sila ng kanyang ina ngunit dahil sa ilang minuto na lang ang oras nito ito ay namatay bago pa man niya mabigyan ng oras.

Nagpasya siyang pumunta sa New Greenwich at doon ay nakilala niya si Phillipe Weis (Vincent Kartheiser) na natalo niya sa poker. Nakilala n'ya rin ang anak nito si Sylvia (Amanda Seyfried) at naanyayahan siya sa kasiyahang gagawin sa kanilang bahay. Ngunit sa gitna ng kasiyahan dumating ang mga pulis o mga Timekeeper sa pangunguna ni Timekeeper Raymond Leon (Cillian Murhpy).

Binawi nito ang oras na inakala nilang ninakaw ni Will at binigyan lamang siya ng dalawang oras ngunit nakatakas si Will at ginawa niyang bihag si Sylvia. Bumalik sila sa Dayton, humingi si Will ng ramson ngunit hindi nagbayad ang mga magulang ni Sylvia kaya’t nagdesisyon ito na pauwiin na ang babae.


Aarestuhin sana ni Timekeeper Leon si Will ngunit nabaril ito ni Sylvia sa balikat at nagpasya itong sumama na kay Will at tumulong sa mga mahihirap. Nagnanakaw sila ng mga oras at binibigay nila sa mga mahihirap.

Sa kabuuan, nais nitong bigyan diin ang kahalagahan ng oras sa buhay ng tao gayundin ang katayuan sa buhay ng mga tao. Ipinakita dito ang nagagawa ng kayamanan kung saan binibigyan tayo bilang mga manonood ng kaisipan na ang mga mayayaman lalong yumayaman habang marami ang namamatay sa kahirapan.

Maganda naman ang kabuuan ng pelikula, maayos namang nagampanan ng mga artista ang kanilang mga role. Maganda rin naman ang pinapaksa nito ngunit hindi ko masyadong nagustuhan ang katapusan . Parang nakakabitin pero nagbibigay ito ng realization na kailangan nating pahalagahan ang oras na meron tayo sa ngayon.

Ito sa mula sa panulat at direksyon ni Andrew Niccol at dinistribute ng 20th Century Fox at ni-release noong 2011.

(*^_^)



Sunday, January 6, 2013

Rooftop Prince, simula na bukas!



Bukas na ang premiere ng Rooftop Prince sa Kapamilya (Channel 2) at kung madalas mong mapanood ang trailer tiyak super excited ka na dahil nakakatuwa ang mga eksenang pinapakita.





Asahan na nating magiging riot ang pagdating ng mga sinaunang tao sa future. Kaabang-abang ang mga eksena kung saan kailangan nilang magpalit ng damit, pagsakay ng bus, paggamit ng mga makabagong kagamitan at marami pang iba.



Kikiligin din tayo sa mga eksena ni Park Ha (Han Ji-min) at Prince Lee Gak (Park Yoochun).


Kamumuhian naman natin si Hong Se-na (Jeong Yu-mi) at Yong Tae-mu (Lee Tae-sung).



Tiyak na kawiwilihan nating makauwi bago mag-alas-5 para mapanood ang palabas na ito!

Thursday, January 3, 2013

OST - Sungkyunkwan Scandal




Matatapos na ang Secret Love o Sungkyunkwan Scandal 
ngayong Friday kaya naman ito 
gusto kong i-post ang OST na 
super kilig na love Story 
nila Lee Sung Joon at Kim Yoon Shik(Hee).


Found You - JYJ 
(Hero Jaejoong, Micky Yoochun, Xiah Junsu)

soljikhi cheoeumen mollasseo uyeonhan mannam isseotjiman
ijekkeot nan gippeumbodan apeumeul deo manhi baewosseo

nunmuri manhatdeon najiman neoegen useumman julgeoya
ijeseoya nae banjjogeul chajanna bwa
ireoke gaseumi ttwigo itjanha

chajatda nae sarang naega chatdeon saram tteugeopge anajugo sipeo
gamanhi nuneul gama jullae naega ip matchwojul su itge
saranghae neol saranghae
chajatda nae gyeote dul han saram

maeumeul dadatdeon najiman neoegen nae maeum julgeoya
ijeseoya nae banjjogeul chajanna bwa
ireoke gaseumi ttwigo itjanha

chajatda nae sarang naega chatdeon saram tteugeopge anajugo sipeo
gamanhi nuneul gama jullae naega ip matchwojul su itge
saranghae neol saranghae
chajatda nae gyeote dul han saram

dachyeotdeon nae maeum apeun sangcheo da anajun saram
deo manhi saranghae jugo sipeo eonjekkajina

chajatda nae sarang naega chatdeon saram tteugeopge anajugo sipeo
gamanhi nuneul gama jullae naega ip matchwojul su itge
gamanhi nuneul gama jullae naega ip matchwojul su itge
saranghae neol saranghae
chajatda nae gyeote dul han saram

gomapda nae gyeote wa jwoseo..



Sunday, December 9, 2012

Rurouni Kenshin



Hindi ako masyadong fan ng Samurai X noong 90's. Mas paborito ko kasi ang Ghostfighter. Hindi ko rin masyadong alam ang takbo ng story nito pero alam kong si Kenshin 'yung pangunahing tauhan. Ganun pa man, hinintay kong maipalabas dito sa Pilipinas ang live action movie. Na-excite ako dahil na rin sa impluwensya ng kapatid ko.


Matagal din ang pinaghintay ng mga tulad namin dahil sa ilang beses itong na-postponed at hindi naman kami bigo sa paghihintay. 

Hango ito sa Japanese Manga at anime. Mas kilala kasi ito noon sa pamagat na Samurai X pero sa movie Rurouni Kenshin ang pamagat at masasabi kong mag-eenjoy ang mga fan ng palabas na ito.


Maganda ang takbo ng story pero mas nabigyan ko ng pokus ang mga karakter. Nababagay nga kay Takeru Satoh ang main character na si Kenshin Himura. Kuhang-kuha niya ang mga kilos at galaw nito. 


Kung tutuusin si Samurai X lang talaga ang kilala kong karakter sa palabas na ito kaya medyo clueless ako sa iba pang tauhan... pero dahil masyadong na-enjoy ng kapatid ko ang palabas sa tingin ko mahusay at magaling ang pagganap ng lahat ng artista.





Maganda rin ang cinematography... naipakita ang sinaunang scenario  sa Japan gayundin ang kanilang mga kasuotan, kagamitan at mga gawi ng mga tao noon.


Makapigil hininga rin ang mga labanan ng mga karakter kaya nga lang medyo brutal ang ilang mga eksena na hindi nababagay panoorin ng mga bata lalo na kung walang guidance ng magulang.

Masasabi kong maganda ang kabuuan ng pelikula. (*^_^)

Monday, November 5, 2012

3 Idiots, care to be one?



Nagdalawang isip ako na panoorin ang 3 Idiots kahit marami ang nagsasabi na maganda raw ito. Kaya naman pinanood ko na rin kahit may doubt sa isip ko. Una, ini-expect ko na parang bastos ang ilang eksena...pero maling-mali pala ako.

Taong 2009 ng ma-release ang  3 Idiots sa India pero early this year ko lang ito napanood sa pag-aakalang hindi ito maganda. Hindi ko rin kasi masyadong type ang mga Indian films pero nabago ng palabas na ito ang aking pananaw.


Umikot ang pelikula sa tatlong magkakaibigan na si Farhan Qureshi (R. Madhavan), Raju Rastogi (Sharman Joshi) at Ranchhoddas ''Racho''  Shamaldas Chhanchad (Aamir Khan). Si Farhan ang nagkukuwento sa pelikula tungkol sa nangyari sa kanilang magkakaibigan noong unang taon nila sa Imperial College of Engineering (ICE) kung saan sila ang magkakasama sa isang silid hanggang sa huling taon nila sa ICE.

Gusto ni Farhan ang wildlife photography ngunit sinunod niya ang kagustuhan ng kanyang magulang kung kaya't napilitan siyang pumasok sa ICE. Maiangat ang pamilya sa kahirapan, ito naman ang dahilan ni Raju habang pagmamahal sa mga machines ang simpleng dahilan ni Rancho.



Ngunit hindi naging simple ang kanilang pamamalagi sa kolehiyo dahil sa College Dean na si Professor Viru 'Virus' Sahastrabuddhe (Boman Irani) samahan pa ng kanyang paboritong students na si Chatur 'Silencer' Ramalingan (Omi Vaidya) na mahilig magsaulo ng kanilang mga pinag-aaralan.


Madalas na mapalabas ng classroom  si Racho dahil sa hindi matanggap ng ilang mga professor ang mga dahilan at pananaw niya sa pag-aaral ngunit kahit ganoon siya pa rin ang nangunguna sa mga pagsusulit at sa ranking. 

Sa araw ng kanilang graduation, hindi na nila nakita si  Rancho. Lumipas ang 10 taon na walang balita si Farhan at Raju hanggang sa sila ay tawagan ni Chatur. Gusto nitong ipakita sa kanilang magkakaibigan kung gaano na siya kaunlad but end up loser dahil ang hinahanap niya na sikat na scientist na si Phunsukh Wangdu ay walang iba kundi si Rancho.


Nakadagdag ganda rin ang karakter ni Pia (Kareena Kapoor) na anak ni Prof. Viru na love interest ni Racho at ang kapatid nitong si Mona (Mona Singh).


I never thought na magugustuhan ko ang pelikulang ito... at uulit-ulitin ko na panoorin mula simula hanggang wakas na hindi nababagot.

Maraming mga aral ang makukuha sa palabas na ito lalo na kung nag-aaral pa lang ang manonood. Entertaining at the same time it will open your mind to so many things. Pinatawa at pinaiyak ako ng  palabas na ito at in-uplift ang spirits ko sa huli. 

After watching this movie, pakiramdam ko magiging isa akong idiot kung di ko pinanood ang pelikulang ito. haha :))

I really love this movie at bagay na bagay itong ipapanood sa mga kabataan para pahalagahan nila ang kanilang pag-aaral. (*^_^)


Credits:

http://www.thenational.ae/deployedfiles/Assets/Richmedia/Image/SaxoPress/AD20120522956876-A_scene_from_th.jpg

http://www.isysportal.com/images/photoalbum/photoalbum23/Isys-HotMasala2-chatur%203%20idiots%20speech%20scene451.jpg

http://mimg.sulekha.com/hindi/3-idiots/stills/3-idiots-new-stills-09.jpg

http://www.bollyupdates.com/wp-content/uploads/2009/10/kareena-3-idiots-posters-bollyupdatescom-01.jpg


http://www.talkmovie.net/wp-content/uploads/2011/02/3-idiots6.jpg