Showing posts with label American Movie. Show all posts
Showing posts with label American Movie. Show all posts

Friday, September 20, 2013

Balik-tanaw sa Dead Poet Society


"I went to the woods because I wanted to live deliberately, I wanted to live deep and suck out all the marrow of life, To put to rout all that was not life and not when I had come to die Discover that I had not lived."

Linya galing sa pelikulang Dead Poet Society. Isa ito sa masasabi kong inspiring film na napanood ko. 
In some point in my life, this movie inspire me to inspire other people. At dahil National Teacher's Month ngayon (September 5 to October 5), gusto kong ibahagi ang pelikulang ito.


First of all, I love Professor John Keating played by Robin Williams. Umikot ang kuwento sa kanya at kung paano niya in-inspires ang kanyang mga mag-aaral sa Welton Academy. Bilang English professor, nahikayat niya ang kanyang mga tinuturuan na mahalin ang poetry at mabago ang kanilang buhay.

Maganda ang mga linyang ginamit sa pelikula na nakakapagpataas ng spirit lalo nang mga estudyante. Natutuwa ako sa paraan ng pagtuturo ni Keating...ang pagbibigay niya ng kahulugan sa nilalaman ng mga tula na kanilang pinag-aaralan. 

May bahaging medyo madamdamin lalo na ng magpakamatay si Neil Perry (Robert Sean Leonard) dahil sa ang kagustuhan ng father niya ang dapat masunod at iyon ang naisip niyang paraan. Ito rin ang dahilan kung bakit napatalsik si Prof. Keating. Siya ang sinisisi sa nangyari. Sa huli, natuloy ang kanyang pag-alis sa academy, pero alam niya na may naiwan siyang aral sa kanyang mga mag-aaral. Nakaka-touch ang bahaging paalis na siya...tinawag siya ni Todd Anderson (Ethan Hawke) ng 'O Captain, My Captain!'  


Maganda ang daloy ng mga pangyayari kaya nga lang may mga part na parang boring para sa iba. But if you love poetry and want to be inspire, you must see this film. (*^_^)

Friday, January 11, 2013

Time out for In Time


 
"Time is gold."

Kasabihan na madalas isagot sa tanong na 'Anong motto mo?' Pero kung minsan hindi naman natin pinahahalagahan ang ibig sabihin nito. Siguro mag-iiba ang pagtingin n'yo sa kasabihang ito kung mapapanood ninyo ang pelikulang In Time.


Umikot ang pelikulang ito sa buhay ni Will Salas (Justin Timberlake) kung saan ang mga tao ay bumibili ng oras para mabuhay. Nasa future ang setting, year 2169. Panahon kung saan humihinto ang pagtanda ng mga tao kapag sila ay umedad ng 25 at nagsisimulang umandar ang kanilang oras na makikita sa kanilang braso. Kapag umabot sa zero ang kanilang oras sila ay mamamatay. 


Si Will Salas kasama ang kanyang ina na si Rachel Salas (Olivia Wilde) ay nagtratrabaho para madagdagan ang kanilang oras. Ito rin kasi ang pambayad sa pagsakay ng bus, pagbili ng pagkain at marami pang iba. Sa madaling salita ang oras sa kanilang braso ang nagsisilbi nilang pera. Sa Dayton sila nakatira kung saan ang mga tao ay nagtratrabaho para mabuhay pa sa susunod na araw. Samantala sa New Greenwich, lugar kung saan doon nakatira ang mga mayayaman sa oras ay nagkakaroon ng pagkakatong mabuhay ng mas matagal.


Nagbago ang takbo ng buhay ni Will nang makilala niya si Henry Hamilton (Matt Bomer) na mula sa New Greenwich at nakikihalubilo sa isang bar sa Dayton. Tinulungan niya itong makatakas sa mga nais kumuha ng kanyang oras pero sinabi nito na gusto na niyang mamatay. 

Sinagot naman ito ni Will na kung siya lang ay may ganoon karaming oras hindi n'ya ito aaksayahin pero wala siyang balak na nakawin ang oras ni Henry. Habang siya ay natutulog inilipat ni Henry ang kanyang 116 years at nagtira lamang ng limang minuto para makarating sa tulay at doon ay nagsuicide. Nag-iwan ito ng mensahe na ‘don’t waste my time.’

Sasagipin sana ito ni  Will ngunit nahulog na ito bago pa man niya marating ang tulay. Kinagabihan ay magkikita sila ng kanyang ina ngunit dahil sa ilang minuto na lang ang oras nito ito ay namatay bago pa man niya mabigyan ng oras.

Nagpasya siyang pumunta sa New Greenwich at doon ay nakilala niya si Phillipe Weis (Vincent Kartheiser) na natalo niya sa poker. Nakilala n'ya rin ang anak nito si Sylvia (Amanda Seyfried) at naanyayahan siya sa kasiyahang gagawin sa kanilang bahay. Ngunit sa gitna ng kasiyahan dumating ang mga pulis o mga Timekeeper sa pangunguna ni Timekeeper Raymond Leon (Cillian Murhpy).

Binawi nito ang oras na inakala nilang ninakaw ni Will at binigyan lamang siya ng dalawang oras ngunit nakatakas si Will at ginawa niyang bihag si Sylvia. Bumalik sila sa Dayton, humingi si Will ng ramson ngunit hindi nagbayad ang mga magulang ni Sylvia kaya’t nagdesisyon ito na pauwiin na ang babae.


Aarestuhin sana ni Timekeeper Leon si Will ngunit nabaril ito ni Sylvia sa balikat at nagpasya itong sumama na kay Will at tumulong sa mga mahihirap. Nagnanakaw sila ng mga oras at binibigay nila sa mga mahihirap.

Sa kabuuan, nais nitong bigyan diin ang kahalagahan ng oras sa buhay ng tao gayundin ang katayuan sa buhay ng mga tao. Ipinakita dito ang nagagawa ng kayamanan kung saan binibigyan tayo bilang mga manonood ng kaisipan na ang mga mayayaman lalong yumayaman habang marami ang namamatay sa kahirapan.

Maganda naman ang kabuuan ng pelikula, maayos namang nagampanan ng mga artista ang kanilang mga role. Maganda rin naman ang pinapaksa nito ngunit hindi ko masyadong nagustuhan ang katapusan . Parang nakakabitin pero nagbibigay ito ng realization na kailangan nating pahalagahan ang oras na meron tayo sa ngayon.

Ito sa mula sa panulat at direksyon ni Andrew Niccol at dinistribute ng 20th Century Fox at ni-release noong 2011.

(*^_^)



Friday, July 13, 2012

The Bourne Legacy



At first, hindi ako interesado sa pelikula... malay ko ba kung sino si Jason Bourne pero hinikayat ako ng aking mga kapamilya na panoorin mula sa Bourne Identiy, Bourne Supremacy at Bourne Ultimatum... and !BOOM! swak sa panlasa.




Kaya naman excited akong mapanood ang Bourne Legacy kaya nga lang hindi na si Matt Damon ang gumanap kundi si Jeremy Renner. Mas maganda pa rin sana kung si Matt ang gaganap but hey, let's welcome Jeremy.

Maganda ang trailer, exciting!

Sa August 3 na ito ipapalabas dito sa Pilipinas.