Saturday, April 14, 2012

Sungkyunkwan Scandal - girl power

I'm waiting for this series to be shown in our country. I've already finished watching it and I keep on watching it... just like I'm addicted to it! 

Anyway, this series is the reason why I love Park Min-young. :) 

2010 nang maipalabas ito sa South Korea. Meron itong 20 episodes katulad ng City Hunter. Sina Kim Won Suk at Hwang In Hyuk ang naging direktor nitong historical fiction drama na ito...may comedy rin. Si Jung Eun Gwol naman ang writer nito.

Umikot ang kuwento sa panahon kung saan ang mga kababaihan ay walang karapatang mag-aral o kaya ay maghanapbuhay ngunit dahil sa hirap ng buhay... napilitan si Kim Yoon Hee (Park Min Young) na magtrabaho gamit ang pangalan at magpanggap na Kim Yoon Shik... ang pangalan ng kanyang nakababatang kapatid na lalaki na may sakit.





Nagtrabaho siya sa isang bookstore kung saan taga-gawa siya ng mga aklat o kaya mga reviewer ng mga estudyante. Pero dahil may utang silang kailangan bayaran, napilitan siyang patulan ang pagkuha ng exam para sa ibang tao sa isang sikat na paaralan ang Sungkyunkwan...kaya lang siya ang nahuli nang isang kumukuha rin ng exam na si Lee Sun Joon (Park Yoo Chun of JYJ). Pero hindi siya naisumbong sapagkat tinaksan niya ito matapos sulatan ang likod ng damit nito. Sa huli ay hinikayat si Yoon Hee ni Sun Joon na kumuha ng exam para makapasok at mapag-aral sa Sungkyunkwan. 



Nakapasa si Yoon Hee at doon nakilala pa niya si Gu Yong Ha (Soo Joong Ki), na unang naghinala na hindi siya tunay na lalaki at Moon Jae Shin (Yoo Ah In) na isang pasaway na estudyante. Dahil sa determinasyon at pagtitiyaga nagawa ni Yoon Hee na magawa ang mga bagay na ginagawa ng mga lalaki at natuwa siya sa mga bagay na natutunan niya na naging dahilan para maasar sa kanya ang president ng Student Body (Seo Hyo Rim).



Nakakatuwa ang pakikipagsapalaran ni Yoon Hee bilang si Yoon Shik. Isa na rito nang sila ang binigyan ng mga task bilang initiation sa pagiging freshman nila. Kinailangan niyang hanapin si Cho Sun (Kim Min Seo) na kilala sa kanyang kagandahan... at dahil inakala ng lahat na may nangyari sa kanilang dalawa binigyan siya ng nickname na Dae-mul si Yoon Hee... ibig sabihin the big thing..hehehe


Bukod sa nakakatuwang hardship ni Yoon Hee... pumasok din ang mga love interest sa pagitan ng tatlong lalaki na nakasama niya ... tuwing magkasama silang apat tinatawag silang Jalgeum Quartet o Joseon F4.


I was hoping na si Geol-oh ang makatuluyan niya... ito ang nickname ni Moon Jae Shin... dahil moody...mahirap magalit. Siya ang unang nakaalam sa tatlong lalaki na girlaloo si Yoon Hee dahil kay Yeo-rim nickname naman ito ni Gu Yong Ha.




















Matagal na kasing naghihinala si Yeo-rim sa pagkatao ni Yoon Hee kaya naglagay siya ng isang trap na pwede niyang mapatunayan ang kanyang hinala pero naunang dumating sa Geol-oh at pinigilan siya nitong makita ang bagay na siya ang nagbalak. Nakaka-excite ang part na ito... sapagkat tatlo silang nagpunta sa lugar kung saan naliligo si Yoon Hee.


Habang itong si Ga-rang tawag kay Lee Sun Joon...(dahil siya daw ay husband material) ay unti-unting nagkakaroon ng feelings kay Yoon Hee at iniisip niya na baka gay siya dahil nagkakagusto siya sa isang lalaki...si Yoon Shik na ang totoo ay si Yoon Hee.



Mala-Robin Hood ang dating ni Geol-oh dahil sa gabi ay nagsusuot siya ng pang ninja para mapahatid ng mensahe na nakasulat sa pulang papel kaya siya ay tinawag na Red Messenger. Alam ito ni Yeo-rim at nalaman din ito ni Yoon Hee kung saan tinulungan niya itong itago nang ito ay tamaan ng pana habang hinahabol ng mga kawal.




Maganda ang setting ng palabas at 'yung panahon...pero pumasok ang pagka-moderno sa love story. Parang mala-MULAN kasi ang dating. Punung-puno ng girl power... dahil hindi lang si Yoon Hee ang may kakayanan dito kundi si Cho Sun din... siya ang gumaya kay Geol-oh bilang Red Mesenger.

Magaganda rin ang mga OST... maganda ang melody at ang meaning ng song...lalo na 'yung Found You ng JYJ grupo ni Yoo Chun. Kakakilig tuwing ginagamit sa eksena nila ni Park Min Young.  Maganda rin ang Too Love... bagay naman sa mga eksena nila Yoon-Hee at Geol-oh.



Isa sa pinakamagandang bahagi nito, ang Dae Sa Rae (Archery Contest)... hindi nawalan ng lakas ng loob si Yoon Hee upang patunayan na kaya n'ya ring tapatan ang galing ng mga kalalakihan. Tinulungan siya ni Geol-oh at Ga-rang... at dito nagsimula ang love triangle.





Isa rin na magandang episode ay nang malaman ni Ga-rang na babae si Yoon-Hee. Parang Coffee Prince lang... lumayo si boy dahil akala niya bakla siya pero dahil nalaman na niya na tunay na babae si Yoon Hee...para siyang nakahinga nang bongga!







Isa lang ang medyo parang di gaanong klaro sa seryeng ito... hindi consistent kung araw na ba o gabi... may isang eksena kasi na maliwanag pa pero pagliko sa isang eskinita... gabi na agad. Pero kung ganda ng story ang pag-uusapan... hindi na masyadong pansin ang araw o gabi!

Ipapalabas ito sa abs-cbn hindi pa nga lang alam kung kelan... tapos na today ang City Hunter at ang kasunod ay Dream High... sana after DH ... eto naman!

Hindi nakakasawang panoorin... kahit ulit-ulitin!





(*^_^)

photo credits: dramabeans

Thursday, April 12, 2012

Series review: City Hunter


Excited ako nang ipalabas dito sa atin ang seryeng ito... dahil mas maganda manood kung hindi na kailangang magbasa ng subtitle... pero dahil sobrang late na ang timeslot nito... tinamad na ako at pinaulit-ulit ko na lang panoorin ang kopya ko.


Last year pa ito ipinalabas sa South Korea... from May to July 2011 na may 20 episodes. Kahit medyo madaming episode sulit naman ang story nito. Ipinalabas ito dito sa Pilipinas ng ABS-CBN from January until April 13, 2012.  Si Jin Hyuk ang Director nito at sina Hwang Eun Kyung at Choi Soo Jin ang  script writter.  Pero ito ay hango sa Japanese Manga na City Hunter na in-illustrate ni Tsukasa Hojo.





Clueless talaga ako sa tunay na ama ni Puchai na ginampanan ni Lee Min Ho sa serye. Buo sa akala ko na ang totoong ama niya ay ang matalik na kaibigan ni Steve Lee (Kim Sang-joon) iyon naman pala ay si President William Choi (Chun Ho-jin).  Nagkaroon naman ako nang ideya na baka si Pres. Choi ang tatay ni Johnny sa episode 16 kung saan kasabay niya itong kumain. Pareho sila ng gawi sa pagkain ng black beans.

Ang daming twist ng palabas na ito na nagbigay ng kakaibang dating sa mga manonood... nakakaakit ang bawat eksena at nakakatuwa 'yung paghula sa susunod na pangyayari. Pataas kasi ng pataas ang magiging interes ng isang manonood sa mga susunod na mga pangyayari.


Nagbigay din ng kulay ang love story ni Puchai o Johnny Lee at Kim Nana (Park Min Young). May kilig pero nakaka-sad doon sa part na kung saan iniwan ni Johnny si Kim Nana... heartbreaking ang episode kung saan sinabi ni Johnny kay Nana na sana ay hindi na niya ito nakilala pa.



Maaksyon din halos ang kabuuan ng series kasama si Prosecutor Jiro Kim (Lee Jun-hyuk) at nakatalagang hanapin kung sino ang City Hunter. Buo sa kanyang isipan na si Johnny Lee ang City Hunter pero dahil madulas si Johnny... hindi siya makakuha ng evidence na magpapatunay sa hinala niya.





Naging love interest din  ni Jiro si Kim Nana...pero nagselos siya nang makita si Johnny lee kasama ang kanyang ex-wife na si Clarisse Jin (Hwang Sun-hee). Sa huli episode, namatay si Jiro, na wish kong hindi sana nangyari... maganda kasi ang kanyang character pero syempre para mas maging kapani-paniwala... kaya siguro ganun.



Nagbigay kulay din at saya si Dindo Bae (Kim Sang-ho)... siya ang susi upang malutas ang kaso na kinasangkutan at ikina-paralisa ng ama ni Kim Nana. Siya kasi ang nakasaksi sa buong pangyayari at ang salarin ay ang ama ni Jiro Kim.

Bagay na bagay din ang mga sound track lalo na 'yung 'So Goodbye' ni Jonghyun ng SHINee at ang Suddenly ni Kim Bo Kyung.




Sa kabuuan, super ganda ng series at super like ang mga bida... syempre lalo na si Lee Min-ho. (*^_^)

Pahabol na mga pics...




Monday, January 23, 2012

Heartstrings

          Matatapos na ang Heartstrings sa Friday, parang kasisimula lang nito noong January 2.Hindi ko ito napapanood dahil maaga ang oras nito sa hapon, gusto ko sana na mapanood ang Filipino version na hindi na kailangang magbasa ng subtitle... kaya lang, di rin naman pala ako masisiyahan dahil sa ang daming cut na eksena.

          Nakakatuwa na ipinalabas ito dito sa atin at sa ABS-CBN pa. Maganda ang kuwento at cute ng mga bida na sina Park Shin Hye at Jung Yong Hwa. Silang dalawa ay member ng A.N. JELL sa He's Beautiful pero si Jang Geun suk ang ka-love team ni Shin-hye sa series na ipinalabas din sa Kapamilya.

          Mayroon itong 15 episodes. Tungkol ito kay Lee Shin (Kevin) at Lee Gyu won (Nicole). Pareho silang college student of music. Ang kaibahan lang si Lee Shin Western Music ang mini-major habang si Lee Gyu Won ay Traditional Korean Music, gayageum ang tawag sa instrument na tinutugtog niya. May band group si Lee Shin na tinatawag na The Stupid habang sila Lee Gyu won naman ay Wind Flower.



          Medyo may pagka-presko ang dating ni Lee Shin kaya sa umpisa asar si Lee Gyu Won sa kanya but later on eh, unti-unti siyang nagkagusto dito. Kaya nga lang ang gusto naman nito ay si Jung Yoon-su na isang dance teacher sa kanilang univesity na ex-gf naman ni Director Kim Seok-hyun. 



          Halos sa kanilang apat umikot ang kuwento... sinamahan ng side story ng drummer sa band ni  Lee Shin na si Jun-hee na parang na-love-at-first-sight kay Hee-joo...not really trying hard na maging magaling pero sa laki ng expectation ng mother niya, ginagawa niya ang lahat para mapili siya na maging lead sa isang bonggang production.


          Ang kuwento ng serye na ito ay pang- teens...may sweetness at bitterness sa pag-abot sa pagkuha ng pangarap na sinamahan ng cute love story.

           Over-all, I liked it! Lalo na ang mga sound track nito tulad ng Because I miss You ni Jung Yong Hwa...

at You're my Star n Kang Min-hyuk.


          Pahabol lang...
          
          Natuwa ako nang malaman ko na ipapalabas ito dito sa atin... kaya nga lang tulad ng He's Beautiful, ang dami ring in-edit na part kung saan masyadong namadali ang ending. Maganda nga sana na naka-dubbed sa Filipino kaya nga lang... kung maraming natanggal na part parang mas maganda na magbasa na lang ng subtitle.
          Sa ngayon, magaganda ang naka-line-up na series sa ABS-CBN at GMA 7... pero sana maganda ang pagkakadubbed  at hindi masyadong katayin ang mga eksena. :))


Monday, January 9, 2012

Flower Boy Ramyun Shop

I thought may bagong F4 matapos kong makit ang mga photos ng series na ito 
dahil sa may apat na boys at isang girl.

But I just want to share a cute fan made video of this series.


One thing for sure, mag-eenjoy kayo sa panonood nito.

(*^_^)






Tuesday, December 27, 2011

City Hunter is coming to town...


...so the waiting is over...

To start the year, dalawang Koreanobela ang handog ng ABS-CBN Kapamilya

Heartstring (You've fallen for me)

and
City Hunter.

Well, I like Lee Min-ho...sino ba namang hindi... and  I also like Park Min-young
because of Sungkyunkwan Scandal...

kaya naman when I read the news na may bagong series na sila ang bida...
hindi na ako nagpatumpik-tumpik
...search dito, basa dito...
until it was confirmed.

Mayroong 20 episode ang series na ito...may action, kilig-factor and suspense.
Pinalabas ito sa Korea ngayong taon, May 25 to July 28...
at pumatok ito sa mga viewers.

Kung buong story ang pag-uusapan, maganda ang bawat episode
may mga sikretong malalaman...
habang may kilig  na mararamdaman sa dalawang bida.

Well, ayaw ko namang sabihin na lahat ng mga nangyari kaya share ko na lang 'yung OST



....cute couple talaga si Lee Min-ho at Park Min-young...


BTW, it was confirmed that they are dating in real life. :)



Sunday, December 18, 2011

Bago matapos ang taong 2011

     Nalalapit na pagtatapos ng taong 2011...at I feel sad for my blog. Simula April, hindi na ulet ako nakapag-post ng bagong reviews tungkol sa napakarami kong napanood this year.

     Well, naging super busy talaga ako...parang nawalan talaga ng time para magsulat...pati magfacebook di ko na rin magawa ng madalas. Kung minsan naiisip ko nga bakit pa ako gumawa ng blog kung di ko rin na man mabibigyan ng panahon pero syempre lahat naman nagagawan ng oras and I'm hoping this coming year...magagawa ko nang makapag-share ulet ng mga napanood kong movies at series...

     Plano ko ring magshare ng mga nagustuhan kong mga books... tulad ng mga sumusunod...




     ...marami pang iba... I just wish na magawa kong makapagpost at mag-update ng (mga) blog na superduper kong pinangarap magkaroon noon.

     About series and movies, I want to share good series of 2011...of course base ito sa taste ko... 


49 days ang title nito sa Korea but when it was viewed here in our country...Pure Love na ang pamagat. Nagustuhan ko ang story nito...and infairness maganda ang ginamit na song ng Kapamilya para dito patok sa masa ang Gisingin ang Puso ni Liezel Garcia... meron itong 20 episodes.




Pumatok rin ang My Girlfriend is a Gumiho at talaga namang nakakatuwa ang story bukod sa maganda si Shin Min-ah nakakatuwa rin si Lee Seung-gi...


...sa Kapamilya din ito pinalabas at maganda rin ang ginamit na OST dito... Baliw by Kiss Jane...16 episodes ito.




Isa pa ang Secret Garden na ipinalabas naman sa Kapuso... galing ni Hyun Bin at ni Ha Ji Won sa tuwing sila ay napapalit ng soul...fantasy drama ito...


ginamit naman ng Kapuso ang song na Bastat kasama kita ni Jhake Vargas... para sa akin sana bagong song.... pero bagay din naman 'yung song sa story...:)




20 episode din ang Secret Garden... tulad ng City Hunter kung saan si Lee Min Ho at si Park Min-Young ang mga bida....(at dahil dun naging sila)... bagay naman sila...


Sa ngayon, ipapalabas pa lang ito sa Kapamilya kaya di ko pa sure kung anong theme song na gagamitin... galing ng story... hindi nakakabored panoorin...action pack with love story...may mga makapigil hiningang scene. I really love this series..




This song is so touching...saying goodbye to the one you love...aaahhh...

Pero naaadik ako sa 100 days to Heaven... napakaraming values ang ibinigay nito sa madlang people..


At ang galing ni Xyriel Manabat...dapat lang na tawaging child superstar...:))

Maganda rin ang My Binondo Girl kung saan patok ang love team ni Kim Chui at Xian Lim.


Marami pang magagandang series this year tulad ng Heartstring, Flower Boy Rumyun Shop, Dream High kung saan magkakaroon ng part 2, Playful Kiss (Korean version of It started with a kiss), My Princess at marami pang iba... 

Sana, sa mga follwers ng blog na ito, patuloy pa rin ninyong mapasyalan at ma-enjoy ang mga ilalagay ko pa. Thank you! (*^_^)





Friday, April 29, 2011

Say, Hello Stranger!


Have you ever fall in love with a stranger? If yes, siguro ay makakarelate ka sa kuwento ng Hello Stranger, isang Thai film na kinunan ang halos 90% ng movie sa bansang Korea.

I have this eagerness to know film from Thailand because it gives me different taste and Hello Stranger is another great movie I’ve watched. It was released last year 2010 and directed by Banjong Pisanthanakun (siya rin ang director ng Shutter at Alone).

Attracted na ako sa trailer pa lang ng movie na ito at talagang inabangan ko sa youtube…(sa youtube ko lang pinanood dahil hindi naman maipapalabas dito sa atin L).

Tungkol ito sa isang lalaki’t babae na nagpunta sa bansang Korea at doon nagkita at nagkasama sa isang masayang adventure na gusto nilang gawin.

Heartbroken si Lalaki dahil supposed to be kasama niya ang GF niya sa tour pero bigo dahil sa nabalitaan niyang magpapakasal na ito sa iba habang si Babae naman ay nagsinungaling sa kanyang BF na kasama niya ang kanyang bestfriend but later on ay nalaman nito at sila’y nagbreak.

Dahil sa walang kakilala si Lalaki at hindi siya familiar sa lugar kaya bumuntot siya sa babae at nagshare sila ng mga gusto nilang mga gawin at ng kanilang lovelife. And later on, sa kanilang pagbalik sa Thailand ay saka lang nila nalaman ang kanilang mga nararamdaman para sa isa’t isa.

Nakakatuwa ang kabuuang ng pelikula mula sa umpisa hanggang sa katapusan nito. Nandoon ang thrill at excitement kung magkakatuluyan ba sila o hindi…maging ang tunay na pangalan ng mga character ay kaabang-abang ngunit sawi ang manonood na malaman ang real name ng mga bida.

They have this saying “It’s nice not knowing you!” Sabi kasi ng babae mas maganda na hindi nila alam kung anong tunay nilang mga pangalan para di complicated…para kung sakaling nakakahiya ang gawin nila ay hindi nila maipagsasabi sa iba. Kaya gumawa sila ng tawagan ‘Dang’ si lalaki na ginampanan ni Chanthavit Dhanasevi na siya ring bida sa Coming Soon a horror film at ‘May’ naman si babae na ginampanan naman ni Nuengthida Sophon.

Magaling ang naging pag-arte nila at ramdam ko ‘yung enjoyment nilang dalawa habang nilalakbay ang kabuuan ng bansang Korea lalo na ang mga lugar kung saan nag-shoot ng mga Koreanobela.

Nakakatuwa ang part kung saan natulog sila sa isang hotel at naglokohan sila about their lovelife. Kahit ako nakaramdam ng kaba dahil seryoso, iyon naman pala ay isang malaking joke!

Isa sa mga magandang eksena ang ginawa ni Dang para kay May ay isang date kay Bae Yong Joon dahil sa idol niya ito…but wait…noong una akala ko talaga si Yong Joon...  iyon pala..kamukha lang! At ang isa ay nung nasa may skiing sila…gusto ng babae na makakita ng snow at kung nandun na siya ay maghuhubad siya ng naked at si lalaki naman ay kakain ng snow dahil gusto niyang malaman ang lasa nito. It was really funny and sweet!  

Kakabitin nga lang ang katapusan dahil sa hindi malaman kung nagkita ba talaga sila pagbalik sa Thailand dahil sa favorite radio program lang nalaman ng babae na hindi pala natuloy ang pagpapakasal ni Dang sa GF niya at siya pala ang talagang mahal nito. Hanggang sa huli stranger pa rin ang mga bida sa mga manonood dahil sa hindi man lang nalaman ang real name ng dalawa.

It’s a feel good movie…you'll laugh and cry then you’ll fall in love! (*^_^)